Etter ein lang vinter med mykje øving, gode idear og kreative innbyggjarar sitt initiativ, er me endeleg klare med ein rikhaldig meny av aktivitetar og arrangement for heile Arna. No håpar me du vil bli med å feire lokalkulturen!
Helene Bøksle kjem
I år er det minst 10 utstillingar i ulike lokale rundt om i bydelen. Det blir Jazz-messe i Arna kyrkje, standup-kveld i Indre Arna, og konsertar med BB Lyngs Bluesband med Vidar Busk, Amazing, Haukeland Songlag, HiN og Atmosferd, Helge Jordal og Berit Håpoldøy. Og sist, men ikkje minst; Helene Bøksle kjem - hald av sundag 30. april!
Offisiell opning og kulturprisutdeling 22. april
Laurdag 22. april er det offisiell opning av Kulturdagane, og også Kulturdagen i Ytre Arna. Det blir konsert med fleire aktørar, og utdeling av Kulturprisen for Arna 2022 på Oleana fra kl. 11.30-13.00.
Kulturdagar i Arna si Facebook-side gir deg ei oppdatert oversikt over alle aktivitetane og arrangementa.
Om Kulturdagar i Arna
Kulturdagar i Arna er eit årleg samarbeidsprosjekt mellom kommunen og kultur- og organisasjonslivet i Arna. Arna og Åsane kulturkontor fungerer som koordinator og tilretteleggjar, medan lag, organisasjonar og andre kulturaktørar står ansvarlege for dei ulike arrangementa.
Har du spørsmål?
Ta kontakt med Arna og Åsane kulturkontor eller via Kulturdagar i Arna si Facebook-side.
Meir info om ulike kulturdagar i Bergen finn du her.