Bergen kommune kontrollerer sals- og skjenkestader for alkohol og utsal for tobakk. Byrådet legg no fram for bystyret årsrapporten for kontrollverksemda. Byrådet rår til at bystyret tar rapporten til vitande.
I 2022 hadde Bergen 505 skjenkeløyve og 205 salsløyve for alkohol. Talet på utsal som sel tobakksvarer og tobakkssurrogat til forbrukar var 319.
Det vart utført 1510 kontrollar av stader med skjenkeløyve, 694 kontrollar av butikkar med salsløyve og 830 kontrollar med tobakksutsal. I 2022 blei det til saman utført 3034 kontrollar.
Byrådet seier seg nøgde med at det ikkje har vore naudsynt å trekkje inn løyve i 2022. Byrådet meiner dette viser at det store fleirtalet i bransjen er gode på å halde seg til skjenkereglane og føresegnene i alkohollova.
Saka skal behandlast vidare av utval og bystyre.
LES OGSÅ: Her er sakene fra byrådet 24. august