Byråd for næring, kultur og idrett, Reidar Digranes, delte ut kulturprisen til nestleiar i mållaget, Johanna Mjeldheim.
– Det er ei stor ære å motta kulturprisen, og det er flott at arbeidet til Arna Mållag blir verdsatt slik, sa Mjeldheim stolt i takketalen.
Har kjempa for nynorsken på alle frontar
Årets kulturprismottakar er ein organisasjon som har eksistert i nærare hundre år, og som er ein del av eit større fellesskap av tradisjonelle “motkulturelle” røyrsler i Noreg.
I juryen si grunngjeving kan vi lese følgande:
"Organisasjonen er ein viktig aktør på amatørkulturfeltet i bydelen gjennom utgjeving av «Mål og Miljø», som er eit kultur- og lokalhistorisk årsskrift for Arna bydel. Prisvinnaren har gjennom ihuga og kreativt arbeid kjempa for nynorsken på alle frontar i Arna. Blant viktige saker har vore å behalde nynorsk liturgi i kyrkjene i bydelen, dele ut nynorske bøker i skular og barnehagar og å styrke bydelen sitt særpreg gjennom bruk av nynorsk."
Nynorsk tekst på togstasjonen
Ein stor siger for nynorsk skriftspråk i bydelen, var då mållaget kjempa for å få opp skilt med nynorsk tekst på Arna stastjon. Opphavleg skilting på det nyrenoverte stasjonsområdet var på bokmål og engelsk. Men sommaren 2023 kom det opp nye skilt, som no er på nynorsk og engelsk.
Vi gratulerar med kulturprisen!