På YA ønsker vi at alle elevar skal kjenne og vere trygg på eigen kulturelle identitet, og oppleve at den du er, er viktig for fellesskapet. I veke 8 har skulen mangfaldsveke, der vi jobbar tverrfagleg mot dette målet. Elevane utforskar eigen bakgrunn, og vi lærer om språk og kulturar frå kvarandre. Norsk kultur og språk er felles for oss alle, men jammen er det kjekt å kunne ord på fleire språk og lære om ulike stadar i verda!
Den internasjonale morsmålsdagen er 21. februar, og i år feira vi den fredag før vinterferien. Morsmålsdagen er skulen sin største festdag, og dagen starta med flagget til topps og musikk frå mange land på høgtalar i kantina under skulefrokosten! Store og små kler seg i klede frå favorittlandet sitt denne dagen, og både bunadar, folkedrakter, fotballtrøyer og alt mogeleg anna syner skulen sitt mangfald. Undervisninga på alle trinn var stasjonar med læringsaktivitetar knytta til språk og kulturar, og til lunsj fekk vi nyte deilig mat frå alle kulturar representert i klassen. Fellesprosjektet i år er eit nytt kunstverk, i gangen inn frå Bankvegen mot vestibylen. Her blir det mala eit stort HEI, og alle små og store på skulen fekk setje signaturen sin rundt. Over døra skal det malast HEI i alle språka på skulen.
Vi avslutta festdagen saman i gymsalen. Skulesamlingen blei leia av velkomstklassen og elevrådet. Gymsalen var flott pynta av alle trinn på skulen. Statsforvaltaren i Vestland kom på besøk, og hadde ein tale om inkludering og skryt av arbeidet vårt. Ho hadde og med ei gåve til oss. Det var ein flott innramma diplom, for nominasjonen til Dronning Sonja sin skulepris 2025. Det er kjekt at arbeidet vårt for inkludering og likeverd blir verdsatt på denne måten!
Sjå serien med bilete frå morsmålsdagen!