Byråd for barnehage og skule, Daniel Hägglund, inviterer til offisiell opning av nye Garnes ungdomsskule torsdag 19. februar klokka 11.30. Pressen er velkommen til å delta.
Opninga skjer
torsdag 19. februar 2026 klokka 11.30 – 12.45
Garnesvegen 88, 5260 Indre Arna
Program
På opninga blir det talar, snorklipping, nøkkeloverrekking, kulturelle innslag samt omvising på heile den nye skulen og i idrettsbygget.
Nybygg
Garnes ungdomsskule tok det nye bygget i bruk 5. januar i år. I byggeperioden som starta i 2022, heldt elevar og tilsette til i lokala til tidlegare Arna gymnas på Garnesstølen. Den gamle skulen er riven.
Det nye skulebygget har meir eller mindre den same grunnflata som den opphavelege skulen, men er ein etasje høgare. Areala på skulen er utforma med tanke på fleirbruk.
Den nye ungdomsskulen har plass til 520 elevar inkludert ei heilt ny forsterka avdeling tilrettelagt for 20 elevar på 1.-10. trinn.
Delar av idrettsbygget er rehabilitert med mellom anna nytt 25-meters svømmebasseng.
Betra trafikksikkerheit
Kommunen har òg gjort fleire tiltak for å gjere tryggleiken for trafikantane rundt skulen betre. Blant tiltaka er nye fortau, flytting av avkjørslar, tilrettelegging for skulebuss og parkering.
Velkommen til opning!
