Skal oss menneske fungere som vaksne er det fornuftig å trene på dei eigenskapane som trengs som vaksen. Ei veke på leirskule er ein svært god plass å øve på det å møte nye og ukjende fjes og personar. Personar ein skal vera med ei heil skuleveke, ja til og med, samarbeide med om mange oppgåver. Aktivitetar, oppgåver og fritid skjer alle stort sett saman med andre og er dermed eit godt høve til å øve på å lytte til andre, ta hensyn og hjelpe og så vidare.
Dette byrjar allereie måndag føremiddag – straks etter at elevane har kome inn på tunet. Måndagen handlar om å litt kjend med både dei andre på leirskulen og med sjølve leirskulen. Samarbeidsaktivitetane, som går føre seg etter lunsj, er eit tydeleg bevis på dette. Her trengs hjelp frå alle på gruppa for å utføre ulike oppgåver.
Denne veka, midt mellom vinter- og påskeferie, hadde to fulle utedagar. Bydgedagen låg i midten, på onsdag, medan avreisedag var fredag. Tysdag hadde me fokus på skileik og å bli (meir) kjend med eigen skiferdigheiter. Torsdag var fokuset retta meir mot det norske friluftslivet og elevgruppa vardelt mellom skigåarar og ein gjeng på fottur. Det som var likt var lunsjrutinane med bålfyring og eigenprodusert solbærtoddy og toast.
Onsdag hadde gamledagar i hovudfokus. Me skrudde tida tilbake til seint 1800-talet og gav elevane oppgåver innan handverk og aktivitetar litt slik det kunne vore på den tida. Etter ein rask lunsj inne i matsalen på leirskulen handla ettermiddagen om friluftsaktivitetar. Her var elevane delt i ulike grupper som til dømes klatregruppe, matlagingsgruppe ute og skred og søk,
Dagane går fort i Hålandsdalen og fredagen kjem fort. Då er det utpakking og omvising i gmale Holdhus kyrkje som gjeld. Deretter ein siste runde inne matsalen – fredagslunsjen…Då den var fortært stod det berre igjen diverse kåringar (til dømes som vinnar romkonkurransen) og så tid for heimreise.
God tur heim og på gjensyn til alle frå både Søreide og Fridalen.