Ferskvatn eller saltvatn – kva fiskeartar finn me? Kva artar fins i Vengsvatnet og kva for artar kan me forvente å få i garn eller på fiskestang? Me kan dra fiskepraten endå lenger og snakke om laksefamilien og kjenneteikn på fiskeartar som høyrer til den, me kan snakke om K-faktor og me kan studere fisken i detalj både utvendig og innvendig.
Alt dette er moment og aktivitetar me kan halde på med på leirskule– og alt dette har me sjølvsagt gjort saman med elevane frå Ny-Krohnborg og Mjølkeråen. Og som om ikkje det var nok – så har elevane fått sjansen til å smake ein liten bit av sjølvfiska (og steikt) aure og røye frå Hålandsdalen.
Sjølv om fisk har vore ein av fellesnemnarane denne veka, så er det langt ifrå alt me har gjort. Mjølkeråen har i tillegg vore til Kikedalen med både kanopadling, geologiundervisning og historien om Kikedalsbonden.
Ny-Krohnborg har vore til fjells, i retning Holdhusstølen, Øykjafjell og Botnavatnet med undervisning om 2. verdenskrig og flyslepp frå England vinteren 1944 og 1945.
Som vanleg har me òg hatt bygdedag. Ein leirskuledag der tida er skrudd tilbake vel 100 år og elevane får prøvd ut aktivitetar og arbeidsoppgåver slik det kunne vore på den tida. Tanken bak ein slik dag er både å skape mest mogleg (praktisk) elevaktivitet og samstundes gje elevane høve til å samanlikne gamledagar med notida.
Onsdag ettermiddag, den andre halvparten av bygdedagen, nytta elevane utandørs med ein type friluftsaktivitet.
Når det no er blitt fredag ettermiddag og snart haustferie, er det vel vitande om at elevane har vore igjennom våre vanlege fredagsaktivitetar som avsluttande rominspeksjon, rollespel i kyrkja og den avsluttande lunsjen i matsalen - der vinnar av romkonkurransen gjennom veka blir kåra.
Takk for no, og tur heim og riktig god ferie til alle frå Mjølkeråen og Ny-Krohnborg.