Tidlegare var Landåsveien 33 ein del av det tidlegare skuleanlegget til Landås skole. Bygget er gjort om til eit bufellesskap for menneske med utviklingshemmingar. Prosjektet omfatta rehabilitering og ombygging av det verneverdige skulebygget. I bygget er det kome ni bustadar og tenestebase for dei tilsette i bufellesskapet. Bueiningane er utforma slik at dei stettar krava Husbanken stiller for å gje tilskot til å etablere omsorgsbustader.
Bufellesskapet stod klart til innflytting juni 2023. No ligg sluttmeldinga frå prosjektet føre. Når prosjektet er avslutta har det gått med 79,8 millionar kroner. Dette gir eit mindreforbruk på 31,3 millionar kroner samanlikna med budsjettet.
Prosjektet har fått investeringstilskot frå Husbanken på 16,3 millionar kroner. Bergen kommune si eigenfinansiering av prosjektet er då på 63,5 millionar kroner.
Byrådet tilrår at sluttmeldinga vert godkjent.
Saka går vidare til utval og bystyre.
SE OGSÅ: Les sakene fra byrådet 16. mai